സാങ്കേതിക വിദ്യ ആരെയും ഗായകരാക്കുന്ന കാലം: എസ്.പി. ബാലസുബ്രഹ് മണ്യം
സംഗീത മേഖലയില് സാങ്കേതിക വിദ്യ ഉപയോഗപ്പെടുത്തുന്നതില് ഗുണവും ദോഷവുമുണ്ടെന്നും ആര്ക്കും ഗായകരായി മാറാവുന്ന കാലമാണിതെന്നും പ്രമുഖ ഗായകന് എസ്.പി.ബാലസുബ്രഹ്മണ്യം അഭിപ്രായപ്പെട്ടു. സംഗീത മേഖലയിലും സാങ്കേതിക വിദ്യയുടെ ഉപയോഗം ഏറെ മുന്നോട്ടുപോയിട്ടുണ്ട്. ഒരു ഗാനം ചിട്ടപ്പെടുത്തുമ്പോഴുണ്ടാകുന്ന ചെറിയ ശ്രുതി ഭംഗം പോലും നൂതന സാങ്കേതിക വിദ്യ ഉപയോഗിച്ച് എളുപ്പം ശരിപ്പെടുത്താന് കഴിയും. ഇന്ന് ഒരേ സിനിമയില് ഒരുമിച്ച് യുഗ്മ ഗാനങ്ങള് പാടുന്ന ഗായകര് പോലും പരസ്പരം കാണേണ്ടതില്ളെന്നാണ് അവസ്ഥ. ഇത് സമ്മര്ദവും അധ്വാനവും കുറക്കും.
ഇത്തരം പുരോഗതികള് സംഗീതത്തിന് ഗുണം ചെയ്യുമ്പോള് ഇതിന് ചില മറുവശവുമുണ്ട്. ചില കമ്പ്യൂട്ടര് സോഫ്റ്റ്വെയറുകള് ഉപയോഗിച്ച് ആര്ക്കും ഗായകരായി മാറാമെന്നതാണ് ഇതിന്െറ ഏറ്റവും വലിയ ന്യൂനത. സ്വന്തം ശബ്ദം ഏത് പ്രമുഖ ഗായകരുടേതിനും സമാനമാക്കി മാറ്റുന്ന സോഫ്റ്റ്വെയറുകള് ഇന്ന് ലഭ്യമാണെന്നും അദ്ദേഹം ദുബൈയില് മാധ്യമ പ്രവര്ത്തകരോട് പറഞ്ഞു.
ഇന്ന് ഏറെ ജനപ്രിയമായിരിക്കുന്ന ധനുഷിന്െറ 'കൊലവെറി' പോലുള്ള ഗാനങ്ങള് ഒരു നിലക്കും ഭീഷണിയല്ളെന്നും അദ്ദേഹം പറഞ്ഞു. പുതിയ തലമുറ ഏറ്റെടുക്കുന്ന ഗാനങ്ങള് നിലവാരം കുറഞ്ഞതാണെന്ന് വിമര്ശിക്കുന്നതിലും പഴയ ഗാനങ്ങളുമായി താരതമ്യം ചെയ്യുന്നതിലും അര്ഥമില്ല. ജനങ്ങളുടെ അഭിരുചികളില് കലാനുസൃതമായി മാറ്റങ്ങളുണ്ടാകാം. അതുകൊണ്ട് അവര് ആസ്വദിക്കട്ടെയെന്ന് വെക്കുകയാണ് വേണ്ടത്. എന്നാല് ഇത്തരം രീതികള് ഏറെക്കാലം നിലനില്ക്കില്ളെന്നും എസ്.പി അഭിപ്രായപ്പെട്ടു.
സംഗീത ലോകത്ത് അമ്പത് വര്ഷം പിന്നിട്ട യേശുദാസ് ഈ മേഖലയിലെ അദ്ഭുതമാണെന്നും അദ്ദേഹം പറഞ്ഞു. സാധാരണ വലിയ ഇടവേളകളിലാണ് ഗായകര് പാടുന്നത്. എന്നാല് യേശുദാസ് തുടര്ച്ചായി പാടി അര നൂറ്റാണ്ടിന് ശേഷവും സംഗീത ലോകത്ത് നിറഞ്ഞുനില്ക്കുകയാണ്. പുറത്തുനിന്ന് നോക്കുമ്പോള് ഇത് എളുപ്പമാണെന്ന് തോന്നാം. എന്നാല് ഒന്നോ രണ്ടോ വര്ഷം കൂടുമ്പോള് സിനിമയെടുക്കുകയോ അഭിനയിക്കുകയോ ചെയ്യുന്നതുപോലെ എളുപ്പമല്ല ഇത്രയും കാലം ഗാന രംഗത്ത് നിലനില്ക്കുന്നതെന്നും എസ്.പി ബാലസുബ്രഹ്മണ്യം പറഞ്ഞു.
www.keralites.net          |
To subscribe send a mail to Keralites-subscribe@yahoogroups.com.
Send your posts to Keralites@yahoogroups.com.
Send your suggestions to Keralites-owner@yahoogroups.com.
To unsubscribe send a mail to Keralites-unsubscribe@yahoogroups.com.
Homepage: www.keralites.net
