[www.keralites.net] മമ്മൂട്ടിയുടെയും മോഹന്‍ലാലിന്‍െയും സഹായത്തോടെ ഇന്‍ഷുറന്‍സ്‌

11:54 AM  SS.A  

 

മമ്മൂട്ടിയുടെയും മോഹന്‍ലാലിന്‍െയും സഹായത്തോടെ ഇന്‍ഷുറന്‍സ്‌


തിരുവനന്തപുരം: മമ്മൂട്ടിയുടെയും മോഹന്‍ലാലിന്റെയും സഹായത്തോടെ നാടകകലാകാരന്‍മാര്‍ക്കായി സംഗീത നാടക അക്കാഡമി ഒരുലക്ഷം രൂപയുടെ ഇന്‍ഷുറന്‍സും മെഡിക്ലെയിമും ഏര്‍പ്പെടുത്തി. പ്രൊഫഷണല്‍ നാടകങ്ങള്‍, സംഗീതനൃത്തനാടക സമിതികള്‍ എന്നിവയില്‍ പ്രവര്‍ത്തിക്കുന്ന രണ്ടായിരത്തോളം കലാകാരന്‍മാര്‍ക്കാണ് ഇതിന്റെ ആനുകൂല്യം ലഭിക്കുന്നത്. 45 ലക്ഷത്തോളം രൂപയാണ് രണ്ട് ചലച്ചിത്രതാരങ്ങളും കൂടിചേര്‍ന്ന് പ്രീമിയം അടയ്ക്കാനായി നല്‍കിയതെന്ന് അക്കാഡമി ചെയര്‍മാന്‍ സൂര്യ കൃഷ്ണമൂര്‍ത്തി പത്രസമ്മേളനത്തില്‍ പറഞ്ഞു.

സംഗീത നാടക അക്കാഡമി ന്യൂ ഇന്ത്യഅഷുറന്‍സ് കമ്പനിയുമായി ചേര്‍ന്ന് നാടകകലാകാരന്‍മാര്‍ക്ക് മാത്രമായി തയാറാക്കിയ ഇന്‍ഷുറന്‍സ് പദ്ധതിയാണ് ഇത്. അപകടങ്ങളുണ്ടായി ജോലിക്ക് പോകാന്‍ കഴിയാത്തവര്‍ക്ക് ആഴ്ചയില്‍ 500 രൂപ ധനസഹായം, 50000 രൂപവരെ ചികിത്സസഹായം, മരണപ്പെട്ടവരുടെ ബന്ധുക്കള്‍ക്ക് ഒരുലക്ഷം രൂപ സഹായം എന്നിവയാണ് ലഭിക്കുന്നത്.

പ്രൊഫഷണല്‍ അമച്വര്‍ നാടകമത്സരങ്ങള്‍ക്ക് സബ്‌സിഡി ഏര്‍പ്പെടുത്തി. നാടകസമിതികളുടെ വാഹനങ്ങള്‍ക്ക് റോഡ് ടാക്‌സ് ഇളവു ചെയ്തുകൊടുക്കും. കലാനിലയം നാടകട്രൂപ്പ്, സര്‍ക്കസ് ട്രൂപ്പുകള്‍ എന്നിവയക്ക് സര്‍ക്കാര്‍ സ്ഥലങ്ങളില്‍ തറവാടക ഒഴിവാക്കും. ഇന്ത്യയിലും മറ്റ് രാജ്യങ്ങളിലും സ്വാതിതിരുനാളിന്റെയും ഇരയിമ്മന്‍ തമ്പിയുടെയും സംഗീതക്കച്ചേരികള്‍ അവതരിപ്പിക്കുമെന്നും അക്കാഡമി ഭാരവാഹികള്‍ പറഞ്ഞു.

അക്കാഡമിയുടെ നേതൃത്വത്തില്‍ നടക്കുന്ന അന്തര്‍ദേശീയ നാടകോത്സവത്തിന് ഫിബ്രവരി ഒന്നിന് തുടക്കമാവും. തൃശ്ശൂരില്‍ നടക്കുന്ന നാടകോത്സവം എട്ടിന് സമാപിക്കും. ഇതിന്റെ ഭാഗമായി തിരുവനന്തപുരത്തും കോഴിക്കോട്ടും തിരഞ്ഞെടുക്കപ്പെട്ട ഇന്ത്യന്‍ നാടകങ്ങളുടെ അവതരണവും നടക്കും. തിരുവനന്തപുരം കാര്‍ത്തിക തിരുനാള്‍ തിയേറ്ററില്‍ ആറുദിവസമായി ആഫ്റ്റര്‍ ലൈഫ് ഓഫ് ബേഡ്‌സ്, മാളവികാഗ്‌നിമിത്രം, മംഗാനിയര്‍ ഫോക്ക് മ്യൂസിക് കണ്‍സേര്‍ട്ട്, ദി ഇന്‍റര്‍വ്യൂ, മുളഗപൊടി, ചന്ദ്രിക എന്നിവയാണ് അവതരിപ്പിക്കുന്നത്.

--

PRASOON
www.keralites.net

__._,_.___
Recent Activity:
KERALITES - A moderated eGroup exclusively for Keralites...
To subscribe send a mail to Keralites-subscribe@yahoogroups.com.
Send your posts to Keralites@yahoogroups.com.
Send your suggestions to Keralites-owner@yahoogroups.com.

To unsubscribe send a mail to Keralites-unsubscribe@yahoogroups.com.

Homepage: www.keralites.net
MARKETPLACE

Stay on top of your group activity without leaving the page you're on - Get the Yahoo! Toolbar now.

.

__,_._,___

Posted in: