വിടവാങ്ങിയത് ഇന്ത്യയുടെ പിക്കാസോ
താനൊരു ചിത്രകാരനാവും എന്ന് പിതാവിനെ ബോധ്യപ്പെടുത്തി അനുവാദം വാങ്ങി തുടങ്ങിയ പ്രയാണത്തിന്റെ ഏഴ് ദശാബ്ദം നീണ്ട കലാസപര്യയ്ക്കാണ് 95 ാം വയസ്സില്‍ തിരശീല വീണത്. ബോംബെയിലെ തെരുവുകളില്‍ നടന്നും ഉറങ്ങിയും കഴിഞ്ഞതാണ് ഹുസൈന്റെ യൗവനം. ചിത്രകാരന്‍ എന്ന മേല്‍വിലാസത്തിലേക്കുള്ള യാത്രയില്‍ ഏത് വെല്ലുവിളിയും നേരിടാന്‍ ആ മനസ്സ് സജ്ജമായിരുന്നു. ദാരിദ്ര്യത്തിന്റെ ആദ്യകാലങ്ങളില്‍ ഒരു പെയിന്റിങ്ങിന് വെറും പത്തുരൂപയായിരുന്നു കിട്ടിയതെങ്കില്‍ ഇന്ന് ഒരു ചിത്രത്തിന് പത്തുകോടിയിലധികം വരെ പ്രതിഫലം കിട്ടുന്ന ചിത്രകാരനായിട്ടുള്ള വളര്‍ച്ചയുടെ ഗ്രാഫാണ് ഹുസൈന്റേത്.
1957 ല്‍ തന്റെ ഏറ്റവും മികച്ച രചനയായി കണക്കാക്കുന്ന 'ചിലന്തിയും വിളക്കും' എന്ന ആറടി നാലിഞ്ച് വലിപ്പമുള്ള എണ്ണഛായ ചിത്രം കേവലം എണ്ണൂറ് രൂപയ്ക്ക് വില്‍ക്കാമെന്ന വാഗ്ദാനം നാഷണല്‍ മ്യൂസിയം അധികൃതര്‍ നിരസിക്കുകയുണ്ടായി. പടിഞ്ഞാറന്‍ ബെര്‍ലിനിലെ നാഷണല്‍ മ്യൂസിയം 10 ലക്ഷം രൂപയാണ് ഈ ചിത്രത്തിന് പിന്നീട് വിലയിട്ടത്.
ശരീരം വാര്‍ധക്യത്തിലെത്തിയിട്ടും വരയില്‍ തെളിഞ്ഞത് തികഞ്ഞ യൗവനം തന്നെ. മരണത്തിന്റെ സന്ദേശം ലഭിക്കുന്നതിന് ദിവസങ്ങള്‍ മുമ്പ് വരെ സര്‍ഗപ്രികയയില്‍ സക്രിയമായിരുന്നു. ബ്രിട്ടീഷ് അക്കാദമിക് ശൈലിയില്‍ നിന്നും ബംഗാളി നവോത്ഥാനശൈലിയില്‍ നിന്നും വേറിട്ടുള്ള ഒരു ഭാരതീയ അവബോധം സൃഷ്ടിക്കാനാണ് ഹുസൈന് എല്ലാക്കാലത്തും ആഗ്രഹിച്ചത്. വിവാദങ്ങളും പ്രതിഷേധങ്ങളും അനസ്യൂതം തുടരുമ്പോഴും വരയ്ക്കാന്‍ അതൊന്നും ഹുസൈന് പ്രതിബന്ധമായില്ല.
അടിയന്തരാവസ്ഥ കാലത്ത് അദ്ദേഹം ഇന്ദിരാഗാന്ധിയെ ദുര്‍ഗയായി ചിത്രീകരിക്കുന്ന പെയിന്റിങ് വരച്ചു. വലിയ കാന്‍വാസുകളായിരുന്നു പ്രിയം. സ്ത്രീസൗന്ദര്യത്തിന്റെ തികഞ്ഞ ആരാധകനായിരുന്നു എം.എഫ്. ഓരോ കാലത്തും അത് തുറന്നുപറയാനും മടിച്ചിട്ടില്ല. സ്മിത പാട്ടീല്‍, മാധുരി ദീക്ഷിത്, ശ്രീദേവി, തബു, അമൃത അറോറ എന്ന് തുടങ്ങി അനുഷ്‌ക ശര്‍മ വരെ നീളുന്നു ഹുസൈന്റെ ആരാധനാപാത്രങ്ങള്‍.
പലരും പല രാജ്യങ്ങളില്‍ നിന്നു പലവിധ വിവാദങ്ങളെ തുടര്‍ന്ന് ഇന്ത്യയില്‍ അഭയം തേടിയ ചരിത്രമുണ്ട്. തസ്‌ലിമ നസ്‌റീനും, ദലൈലാമയുമൊക്കെ ഉദാഹരണങ്ങള്‍. പക്ഷേ ഒരു ഭാരതീയനായിട്ടും പ്രവാസിയായി ജീവിക്കേണ്ട ഗതികേടാണ് അവസാനകാലത്ത് അദ്ദേഹത്തിനുണ്ടായത്. കാന്‍വാസില്‍ വിരിഞ്ഞത് വിവാദമായി തിരിച്ചടിച്ചപ്പോള്‍ അദ്ദേഹം സ്വയം പ്രവാസിയായി പ്രഖ്യാപിച്ചു. ഒടുവില്‍ 2010 ല്‍ ഖത്തറില്‍ പൗരത്വത്തോടെ അഭയം. സ്വദേശത്തേക്ക് മടങ്ങാനുള്ള ആഗ്രഹം അദ്ദേഹം അവസാനകാലത്തും പ്രകടിപ്പിച്ചിരുന്നു.
വിവാദങ്ങളുടെ 'മദര്‍ ഇന്ത്യ'
ഹുസൈന്റേതായി മികച്ച പല കലാസൃഷ്ടികള്‍ എടുത്തുപറയാമെങ്കിലും 'മദര്‍ ഇന്ത്യ' നല്‍കിയ കുപ്രസിദ്ധി ഇതില്‍ നിന്ന് വേറിട്ട് നില്‍ക്കുന്നു. 2006 ല്‍ പ്രശസ്ത ചിത്രകാരി നഫീസ അലി സംഘടിപ്പിച്ച ഒരു പ്രദര്‍ശനത്തില്‍ ഉള്‍പ്പെടുത്തിയ ഹുസൈന്റെ പെയിന്റിങ്ങായിരുന്നു ഇത്. ഇന്ത്യയുടെ ഭൂപടത്തിന്റെ പശ്ചാത്തലത്തില്‍ ഒരു നഗ്നയായ സ്ത്രീയും സംസ്ഥാനങ്ങള്‍ അവളുടെ വിവിധ അവയവങ്ങളുമായിട്ടായിരുന്നു ഹുസൈന്റെ ഭാവന. പിന്നെയെല്ലാം ചരിത്രം. വിവാദം കത്തിപ്പടര്‍ന്നു. ഹുസൈന്റെ ഖേദപ്രകടനത്തിനും ഹൈന്ദവ സംഘനകളുടെ ശൗര്യം ശമിപ്പിക്കാനായില്ല. ഹുസൈന് രാജ്യം വിട്ടു. കേസും കോടതി നടപടികളും അനുഗമിച്ചു. പക്ഷേ ഒരു സമന്‍സിനും പ്രതികരിക്കാതെ ഹുസൈന് മരണം വരെ പ്രവാസിയായി തന്നെ തുടര്‍ന്നു
പ്രവാസ ജീവിതത്തിനിടയിലും ഒരിക്കലും ഇന്ത്യയെ തള്ളിപ്പറഞ്ഞില്ല അദ്ദേഹം. 2008 നവംബറിലുണ്ടായ മുംബൈ ഭീകരാക്രമണത്തിനെതിരെ 'റേപ് ഓഫ് ഇന്ത്യ' എന്ന ചിത്രം വരച്ചുകൊണ്ടാണ് അദ്ദേഹം പ്രതികരിച്ചത്. വിവാദങ്ങളുടെ പേരില്‍ ഒന്നും രണ്ടുമല്ല ആയിരത്തോളം കേസുകളാണ് അദ്ദേഹത്തിനെതിരെ രജിസ്റ്റര്‍ ചെയ്യപ്പെട്ടത്.
--
with warm regards.....
saju soman
doha qatar
mob:+974-77706627
saju soman
doha qatar
mob:+974-77706627
ഈ പേജ് ഒന്ന് ലൈക്ക് ( LIKE ) ചെയ്യണേ IN FACE BOOK ( Online Kerala Friends Group Member pages,Friends Pls Click Like,Pls Promote )
( In Face Book ) http://www.facebook.com/pages/Biyon/160856410643221
http://www.facebook.com/pages/Mahadeven-Thampy/150549765016729
3 Kings = http://www.youtube.com/watch?v=eGrrNow_h0w&feature=related
വീണ്ടുമൊരു മഴക്കാലം കൂടി ... - http://www.youtube.com/watch?v=K5-7pnCqfR8&feature=channel_video_title
You received this message because you are subscribed to the Google
Groups "Kerala friends കേരള കൂട്ടുകാര്‍" group.
Complaints / Suggestions??? Write to keralafriendsmoderator@gmail.com
For more options, visit this group at
http://groups.google.com/group/Onlinekeralafriends?hl=ml
